Nummerering og avsnittsstilar

Du kan leggja til nummerering av eit avsnitt manuelt eller med ein avsnittsstil.

Viss du vil ha nummererte overskrifter, bruk Verktøy → Overskriftsnummerering i staden for å nummerera manuelt.

Slik set du inn nummerering manuelt

Vil du bruka manuell nummerering, trykk i avsnittet og trykk deretter på ikonet Slå sortert liste av/på på menylinja Formatering eller bruk nedtrekkslista på ikonet for å velja eit nummereringsformat.

Du kan ikkje bruka manuell nummerering i avsnitt som er lista opp i «Spesialstilar» i vindauget for stilhandsamaren.

• Når du trykkjer Enter i ei nummer- eller punktliste, vil Collabora Office automatisk nummerera det neste avsnittet. For å fjerna talet eller punktet frå det nye avsnittet, trykkjer du Enter igjen.

• Om du vil endra nummererings- eller punktteiknformatet berre for det gjeldande avsnittet, marker ein bokstav eller eit ord i avsnittet og vel Format → Punkt og nummerering og klikk på eit nytt format.

• Om du vil endra nummererings- eller punktteiknformatet for alle avsnitta i lista, sjå etter at markøren er i lista og vel Format → Punkt og nummerering og klikk på eit nytt format.

• Bruk kommandoane på verktøylinja Punkt og nummerering for å endra rekkjefølgja og nivåa for listeavsnitta.

• For å sjå kva for avsnitt som finst i den same lista, trykk til venstre for eit tal eller symbol ved byrjinga av eit listeavsnitt med Vis → Feltskuggar( + F8 ) slått på.

Bruk Format → Lister → Legg til i liste for å leggja merkte avsnitt til i ei liste som finst frå før.

Slik brukar du nummerering i ein avsnittsstil

Ved å bruka avsnittsstilar har du betre kontroll med nummereringa i eit dokument. Når du endrar listestilen brukt i ein avsnittsstil, vert nummereringsformatet endra også for alle avsnitta som brukar den same avsnittsstilen.

1. Vel Vis → Stilarr og trykk på knappen Avsnittsstilar.

2. Høgreklikk på avsnittsstilen du vil leggja til nummerering for og trykk deretter Endra.

3. Klikk på fana Disposisjon og nummerering.

4. Vel den ønskte listestilen i feltet Listestilar.

5. Trykk OK.

6. Bruk stilen på dei avsnitta du vil leggja til nummerering i.