Bruka regulære uttrykk i tekstsøk

Regulære uttrykk er spesielle mønster som vert brukte til å finna og manipulera tekst, som hjelper deg med å finna spesifikk informasjon i tekstar.

Søk med regulære uttrykk er ulik søk med jokerteikn. I Collabora Office Writer kan du berre søkja med regulære uttrykk.

Du kan bruka regulære uttrykk når du søkjer og byter ut tekst i eit dokument. For eksempel finn «s.n» både «sin» og «son».

1. Vel Rediger → Søk og byt ut.

2. Klikk på knappen Fleire val for å utvida dialogvindauget.

3. Vel avkryssningsboksen Regulære uttrykk.

4. Skriv inn søkjeordet med dei regulære uttrykka som skal brukast i søket i feltet Søk etter.

5. Klikk på Finn neste eller Finn alle.

Eksempel på regulære uttrykk

1. Det regulære uttrykket for eitt enkelt teikn er eit punktum (.)

2. Det regulære uttrykket for ein bokstav er \w og for eit tal er \d.

3. Det regulære uttrykket for null eller fleire førekomstar av det føregåande teiknet er ein asterisk (*). For eksempel finn «123*» både «12», «123» og «1233».

4. Det regulære uttrykket for å søkja etter null eller fleire førekomstar av kva teikn som helst er eit punktum og ei stjerne (.*).

5. Det regulære uttrykket for éin eller fleire førekomstar av det førre teiknet er eit plussteikn (+). For eksempel: "\w+" finn kva ord som helst, "\d+" kva tal som helst.

6. Det regulære uttrykket for ein tabulator er \t. Meir generelt står \s for alle typar «mellomrom», for eksempel hardt mellomrom, vognretur, …

7. Det regulære uttrykket for slutten av eit avsnitt er eit dollarteikn ($). Det regulære uttrykket for byrjinga av eit avsnitt er ein circumflex og eit punktum (^.). Det regulære uttrykket for eit tomt avsnitt er ^$.

Eit søk med eit regulært uttrykk vil berre fungera innføre eitt avsnitt. Det vil seia at ein \n vil svara til eit linjeskift i eit avsnitt.