Laga og endra standardmalar og tilpassa malar

Når du opnar eit nytt dokument med Fil → Ny(tt) vert det opna eit tomt dokument basert på ein Collabora Office-mal. Du kan redigera, forandra eller byta ut denne malen, så det nye dokumentet inneheld dei tilpassa stilane dine eller anna innhald.

Du kan definera dokumentsmalar til kvart Collabora Office-program.

Laga ein standardmal

1. Først opnar du ein Collabora Office-mal som finst frå før, eller du opnar eit nytt dokument. Du kan nå redigera dokumentet slik du vil ha den nye malen.

2. Lagra dokumentet med Fil → Malar → Lagra som mal. I dialogvindauget skriv du inn namnet på malen og merkjer av for Set som standardmal før du lagrar han i kategorien Mine malar.

3. Neste gong du opnar eit nytt dokument, vil det bruka den nye standardmalen.

Endra ein standardmal

1. Vel Fil → Malar → Ordna malane.

2. Bruk Filter for å velja dokumenttypen.

3. Standardmalen er merkt med ein grøn hake. Høgreklikk på denne malen og vel Rediger.

4. Gjer dei ønskte endringane og vel Fil → Lagra og lukk dokumentet.

5. Når du opnar eit nytt dokument, vert den endra malen brukt.

Setja ein mal som standard

1. Vel Fil → Malar → Ordna malane.

2. Høgreklikk på malen du vil bruka som standard og vel Set som standard.

Laga ein tilpassa mal

1. Først opnar du ein Collabora Office-mal som finst frå før, eller du opnar eit nytt dokument. Du kan nå redigera dokumentet slik du vil ha den nye malen.

2. Vel Fil → Malar → Lagra som mal. Skriv eit namn på malen, vel ein malkategori og lagra han

Endra ein tilpassa mal

1. Vel Fil → Malar → Ordna malane.

2. Høgreklikk på malen som skal endrast og vel Rediger.

3. Gjer dei ønskte endringane og vel Fil → Lagra og lukk dokumentet.

Lagra ein mal i mappa for malar

Du kan lagra kva dokument som helst som mal ved å velja filtypen «mal» i dialogvindauget for lagring.For å få tilgang til malen frå malhandsamaren, må du lagra malen i mappa for malar vist i Brukarstiar i Malar i → Collabora Office → Stiar. Som oftast er det enklare å lagra dokumentet som mal med Fil → Malar → Lagra som mal fordi malen då automatisk vert lagra i den rette mappa.

Den beste måten å arbeida med malar er å bruka Malhandsamare. Du kan opna malhandsamaren frå anten Fil → Ny(tt) → Malar eller Fil → Malar → Ordna malane. Du kan også bruka tastekombinasjonen + Shift + N.