Tekst langs banen

Eit enkelt verktøy for å setja ein tekst langs ei kurva linje utan fancy effektar.

Dialogvindauget Tekst langs bane er meint å brukast når ein tekst skal følgja ei kurve. Teikna kurva, dobbeltklikk og skriv inn teksten. Du kan ikkje aktivera Tekst langs bane når kurva er aktiv.

Stil

Du kan få teksten til å følgja kva figur som helst. Dei fleste av dei tilpassa figurane som er tilgjengelege på teikneverktøylinja må konverterast til ein annan type før du kan bruka dei med Tekst langs bane. I Impress og Draw høgreklikkar du på forma og vel Gjer om → Til kurve/mangekant/omriss. Om ønskjeleg, kan du nå kopiera og lima inn den konverterte forma i Writer for bruk med Tekst langs kurve. Former i verktøylinjene for eldre sirklar og ovalar og eldre rektangel treng ikkje gjerast om. Boge som er teke med i dei enkle formene, er også ei eldre form.

Grunnlinje av

Fjern grunnlinjeformateringa.

Roter

Bruk topp- eller botnlinja av det valde objektet som grunnlinje til teksten.

Oppreist

Bruk topp- eller botnlinja av det valde objektet som grunnlinje til teksten og hald på den opphavlege loddrette justeringa av enkeltteikna.

Skråstill vassrett

Skråstill teikna i tekstobjektet (vassrett).

Skråstill loddrett

Skråstill teikna i tekstobjektet (loddrett).

Juster

Retning

Reverserer tekstretninga og snur teksten vassrett eller loddrett. Du må først leggja til ei anna grunnlinje på teksten for å kunna bruka denne funksjonen.

Venstrejustert

Juster teksten heilt til venstre på grunnlinja til teksten.

Midtstill

Midtstill teksten på tekstgrunnlinja.

Høgrejustert

Juster teksten heilt til høgre på grunnlinja til teksten.

Automatisk tekststorleik

Endra storleiken på teksten så han passar til lengda av grunnlinja til teksten.

Posisjon og innrykk

Avstand

Vel avstanden mellom grunnlinja for teksten og grunnlinja til dei enkelte teikna.

Innrykk

Vel avstanden mellom byrjinga av grunnlinja til teksten og byrjinga av teksten.

Skugge

Omriss

Viser eller gøymer grunnlinja til teksten eller hjørna på objektet.

Tekstomriss

Vis eller gøym ramma på enkeltteikna i teksten.

Ingen tekstskugge

Fjern skuggeeffekten du brukte på teksten.

Legg til tekstskugge

Legg til ein skugge på teksten i det valde objektet. Trykk på denne knappen og skriv inn kor stor skuggen skal vera i boksane for Avstand X og Avstand Y.

Skråstilt tekstskugge

Legg til ein skråstilt skugge til teksten i det merkte objektet. Trykk på knappen og skriv inn kor stor skuggen skal vera i boksane for Avstand X og Avstand Y.

Skuggeforskyving

Vassrett skuggeavstand eller skuggevinkel

Skriv inn den vassrette avstanden mellom tekstteikna og kanten av skuggen eller vinkelen på skuggen på skrå frå loddrett.

Loddrett avstand eller skuggestorleik

Skriv inn den vassrette avstanden mellom tekstteikna og kanten av skuggen eller storleiken på skuggen i prosent av teiknstorleiken

Skuggefarge

Skuggefarge

Vel ein farge for tekstskuggen.