DAGAR
Reknar ut skilnaden mellom to datoverdiar. Returnerer kor mange dagar det er mellom dei to dagane. Kan returnere ein brøkdel av ein dag når argumenta inneheld tidsdelar.
Denne funksjonen høyrer til Open Document Format for Office Applications (OpenDocument) standard versjon 1.2. (ISO/IEC 26300:2-2015)
DAGAR(Dato1; Dato2)
Dato_1 er startdatoen, Dato_2 er sluttdatoen. Dersom Dato_2 er ein dato før Dato_1, vert resultatet eit negativt tal.
Når datoar vert skrivne inn som ein del av ein formel, vert skråstrekar og bindestrekar oppfatta som matematiske teikn. Difor vert datoar som inneheld desse teikna ikkje oppfatta som datoar, noko som fører til feil i utrekningane. For at datoar skal oppfattast som datoar, bruk DATO-funksjonen, for eksempel DATO(1954;7;20) eller bruk ISO 8601-notasjon i doble hermeteikn, for eksempel "1954-07-20". Ikkje bruk lokale skrivemåtar som for eksempel "20.07.54" sjølv om dei kanskje fungerer korrekt i oppsettet ditt. På andre maskiner med anna oppsett for datoar, kan dette føre til feil.
Det er mogleg å laga eintydige omformingar for dato og klokkeslett i utvida format med skiljeteikn i ISO 8601. Viss feilen #VERDI! kjem opp, fjernar du merkinga for Lag #VERDI!-feil i Collabora Office → InnstillingarVerktøy → Innstillingar → Collabora Office Calc → Formel, knappen Detaljar … i området «Detaljerte innstillingar for utrekning» i listeboksen Omform frå tekst til tal.
=DAGAR(IDAG();"01.01.2010")) returnerer talet på dagar frå 1. januar 2010 til i dag.
=DAGAR("1990-10-10";"1980-10-10") returnerer 3652 dagar.
=DAGAR(NO(); IDAG()) returnerer ein (desimal)brøkdel av gjeldande dag.