Inserir o nome e número de capítulo nunha cabeceira ou pé de páxina

Antes de poder inserir información sobre o capítulo nunha cabeceira ou nun rodapé hai que definir as opcións de numeración de capítulo para o estilo de parágrafo que se desexe empregar para os títulos de capítulo.

Para preparar un estilo de parágrafo para títulos de capítulos

1. Escolla a lapela Ferramentas - Numeración de títulos - Numeración.

2. Na caixa Nivel seleccione 1.

3. Na caixa Estilo de parágrafo seleccione o estilo de parágrafo que desexe empregar para os títulos de capítulo, por exemplo Título 1.

4. Seleccione o esquema de numeración para os títulos de capítulo na caixa Número, po exemplo 1,2,3....

5. Escriba Capítulo seguido dun espazo na caixa Antes.

6. Introduza un espazo na caixa Despois.

7. Prema en Aceptar.

Inserir o nome e número de capítulo nunha cabeceira ou pé de páxina

1. Aplique o estilo de parágrafo definido aos títulos dos capítulos.

2. Escolla Inserir - Cabeceira e rodapé - Cabeceira ou Inserir - Cabeceira e rodapé - Rodapé e seleccione o estilo de páxina para a páxina actual no submenú.

3. Prema na cabeceira ou pé de páxina.

4. Escolla Inserir - Campos - Outros e a seguir prema na lapela Funcións.

5. Prema Título na lista Tipo, Número de título e contido na lista Formato e 1 en Até o nivel.

6. Prema Inserir e despois Pechar.

A cabeceira das páxinas que usan o estilo actual mostran automaticamente o nome e o número de capítulo.