Integrar novos compoñentes UNO

Os programadores poden gravar e integrar os seus propios compoñentes UNO (Universal Network Objects) en Collabora Office. Estes novos compoñentes poden engadirse aos menús e barras de ferramentas de Collabora Office; chámanse "complementos".

Algunhas ferramentas e servizos ofrecen soporte para a integración de novos compoñentes. Pode obter información máis detallada na Guía do programador de Collabora Office . Os seguintes son os tres pasos principais:

1. Rexistre os novos compoñentes en Collabora Office a través da ferramenta unopkg, situada no programa {camiñoinstal}.

2. Integre os novos compoñentes como servizos. Os servizos ProtocolHandler e JobDispatch axúdano; pode obter máis información na Guía do programador de Collabora Office.

3. Cambie a interface de usuario (menús ou barras de ferramentas). Pode facelo de forma case automática gravando un ficheiro de texto XML que describa os cambios. Pode obter máis información na Guía do programador de Collabora Office.

Os complementos poden ampliar a funcionalidade de Collabora Office. Non están relacionados cos que fornecen novas funcións a Collabora Office Calc.