Tipo de gráfica de liña

Na primeira páxina do Asistente de gráfica pode escoller un tipo de gráfica.

Liña

As gráficas de liña mostran valores en forma de puntos no eixe Y. O eixe X mostra categorías. Os valores Y de cada serie de datos poden conectarse cunha liña.

Só puntos - este subtipo só traza puntos.

Puntos e liñas - este subtipo traza puntos e conecta os puntos da mesma serie de datos cunha liña.

Só liñas - este subtipo só traza liñas.

Liñas 3D - este subtipo conecta os puntos da mesma serie de datos cunha liña 3D.

Marque Amontoar series para ordenar os puntos y de forma acumulativa uns enriba dos outros. Os valores y xa non representan valores absolutos, excepto na primeira columna debuxada na parte inferior dos puntos amontoados. Se selecciona Porcentaxe, os valores y dimensiónanase como porcentaxes do total da categoría.

Escolla o Tipo de liña do menú despregábel para seleccionar como se conectan os puntos. Pódese escoller entre liñas Rectas, liñas Suaves para debuxar curvas a través dos puntos das liñas en Escada para debuxar liñas que pasen de punto a punto. Prema Propiedades para cambiar as propiedades das liñas suaves ou en escada.