Introducir un número con ceros á esquerda

Existen varias maneiras de introducir enteiros que comecen por cero:

• Introduza o número como texto. O xeito máis sinxelo consiste en introducir o número comezando cun apóstrofo (por exemplo, '0987). O apóstrofo non aparece na cela e o número formátase como texto. Polo feito de estar en formato de texto, porén, non se pode calcular con este número.

• Formate unha cela cun formato numérico como, por exemplo \0000. Este formato pódese asignar no campo Código de formato na lapela Formato - Celas - Números e define a presentación na pantalla como «pór sempre un cero primeiro e despois o enteiro, con tres cifras no mínimo, e encher con ceros á esquerda se ten menos de tres díxitos».

Se desexa aplicar un formato numérico a unha columna de números en formato texto (por exemplo, o texto «000123» se converta no número «123»), faga o seguinte:

1. Seleccione a columna na que se atopan os díxitos en formato de texto. Estabeleza o formato de cela desa columna como «Número».

2. Escolla Editar — Localizar e substituír.

3. Na caixa de diálogo Atopar, introduza ^[0-9]

4. Na caixa de diálogo Substituír, introduza &

5. Marque Expresións regulares

6. Marque Só selección actual

7. Prema en Substituír todo