Cálculos con datas e horas

No Calc de Collabora Office pódense efectuar cálculos con datas e horas actuais, obtidas do reloxo interno do sistema. Por exemplo, para saber exactamente a súa idade exacta, en segundos ou horas, siga os pasos seguintes:

1. Nunha folla de cálculo introduza o seu aniversario na cela A1.

2. Introduza a fórmula seguinte na cela A3: =NOW()-A1

3. Ao premer a tecla Intro verá o resultado en formato de data. Dado que o resultado debería mostrar a diferenza entre dúas datas como número de días, hai que formatar a cela A3 como número.

4. Coloque o cursor na cela A3, prema co botón dereito para abrir un menú de contexto e escolla Formatar celas.

5. Aparece a caixa de diálogoFormatar celas. Na lapela Números aparece a categoría «Número» xa realzada. O formato está configurado como «Xeral», o que resulta en que o resultado dun cálculo que conteña entradas de data se mostre como data. Para que o resultado se mostre como número, configure o formato numérico como «-1,234» e peche a caixa de diálogo co botón Aceptar.

6. O número de días entre a data de hoxe e a data especificada móstrase na cela A3.

7. Probe con algunhas fórmulas adicionais: Introduza =A3*24 en A4 para calcular as horas; A4*60 en A5 para os minutos e A5*60 en A6 para os segundos. Prema na tecla Intro despois de cada fórmula.

Calcúlase o tempo transcorrido desde a súa data de nacemento e visualízase nas distintas unidades. Os valores calcúlanse a partir do momento exacto en que introduciu a última fórmula e premeu na tecla Intro. O valor non se actualiza de maneira automática, aínda que «Agora» cambie continuamente. No menú Data, a opción do menú Calcular - Calcular automaticamente adoita estar activo; porén, o cálculo automático non se aplica á función AGORA, evitando así que o seu ordenador estea ocupado exclusivamente en actualizar a folla de cálculo.