Orrialde-orientazioa aldatzea

Writerreko testu-dokumentuen orri-propietate guztiak (adibidez, orriaren orientazioa) orri-estiloen bidez definitzen dira. Lehenespenez, testu-dokumentu berri batek 'Lehenetsia' orri-estiloa erabiltzen du orri guztietarako. Lehendik dagoen testu-dokumentu bat irekitzen baduzu, baliteke orri bakoitzak orri-estilo bat aplikatuta edukitzea.

Garrantzitsua da jakitea orri-propietate batean aplikatzen dituzun aldaketek uneko orri-estiloa erabiltzen duten orriei bakarrik eragingo dietela. Uneko orri-estiloa leihoaren beheko ertzean dagoen Egoera barran agertzen da.

Orri-orientazioa orri guztietarako aldatzea

Zure testu-dokumentuak orri-estilo bera duten orriak bakarrik badauzka, orri-propietateak zuzenean alda ditzakezu:

1. Aukeratu Formatua - Orrialde-estiloa.

2. Egin klik Orrialdea fitxan.

3. Paper-formatua menuan, hautatu “Bertikala” edo “Horizontala”.

4. Sakatu Ados.

Orri-orientazioa orri batzuetarako bakarrik aldatzea

Collabora Office(e)k orri-estiloak erabiltzen ditu dokumentu bateko orrien orientazioa zehazteko. Orri-estiloek orri-propietate gehiago ere definitzen dituzte, adibidez, goiburukoak eta orri-oinak, edo orriaren marjinak. 'Lehenetsia' orri-estiloa dokumentu honetarako alda dezakezu, edo beste orri-estilo batzuk defini ditzakezu, eta orri-estilo horiek zure testuko edozein zatiri aplikatu.

Laguntzako orri honen amaieran, orri-estiloen esparruak xehetasun handiagoz aztertuko ditugu. Orri-estiloaren kontzeptua ondo ulertzen ez baduzu, irakurri orri honen amaierako atala.

Orri-orientazioa orrialde-estiloa partekatzen duten orri guztientzako aldatzeko, aurrenik orrialde-estilo bat behar duzu, gero estilo hori aplikatzeko:

1. Aukeratu Ikusi - Estiloak.

2. Egin klik Orrialde-estiloak ikonoan.

3. Egin klik eskuineko botoiaz eta aukeratu Berria. Orri-estilo berriak hasieran hautatutako orri-estiloaren propietate guztiak bereganatuko ditu.

4. Antolatzailea fitxan, idatzi orrialde-estiloaren izena Izena koadroan, adibidez, "Horizontala 1".

5. Hurrengo estiloa koadroan, hautatu zer orri-estilo aplikatu nahi diozun estilo berria duen orriaren atzetik datorren hurrengo orriari. Ikusi orri-estiloen esparruei buruzko atala laguntzako orri honen amaieran.

6. Egin klik Orrialdea fitxan.

7. Paper-formatua menuan, hautatu “Bertikala” edo “Horizontala”.

8. Sakatu Ados.

Orain, "Horizontala 1" izena duen orrialde-estilo bat definitu duzu. Estilo berria aplikatzeko, egin klik bikoitza "Horizontala 1" orrialde-estiloan, Estiloak leihoan. Orrialde-estiloen uneko esparruko orrialde guztiak aldatuko dira. "Hurrengo estiloa" beste estilo bat izan dadin definitzen baduzu, orrialde-estiloen uneko esparruko lehen orrialdea soilik aldatuko da.

Orrialde-diseinu bertikala eta horizontala azkar txandakatzeko

Collabora Office Writerrek eskaintzen duen txantiloi lehenetsiak orrialde-diseinuko hainbat estilo ditu. Horien artean, Orrialde-estilo lehenetsia estiloak orientazio bertikala du eta Horizontala estiloak orientazio horizontala du.

Estilo horiek orientazio bertikala eta horizontala azkar eta erraz txandakatzeko erabili daitezke, eskuzko jauziak txertatuz eta orrialde-estilo egokiak aukeratuz, behean deskribatzen den moduan:

1. Kokatu kurtsorea orrialde-jauzia txertatuko den tokian.

2. Joan Txertatu - Jauzi gehiago - Eskuzko jauzia. Txertatu jauzia elkarrizketa-koadroa irekiko da.

3. Aukeratu Orrialde-jauzia eta Orrialde-estiloa goitibeherako zerrendan, aukeratu jauziaren ondoren aplikatuko den orrialde-estiloa (orrialde-estilo lehenetsia, horizontala, etab.).

4. Aplikatutakoa berriro aldatu behar bada dokumentuko beste punturen batean (adibidez, orientazio horizontaletik bertikalera itzultzeko), kokatu kurtsorea puntu horretan eta errepikatu arestian deskribatutako urratsak.

Orri-estiloen esparrua

Komeni da orri-estiloen esparruak Collabora Office(e)n nola funtzionatzen duen jakitea. Orri-estilo bat editatzen duzunean, zure testu-dokumentuko zer orri aldatuko dira?

Orri bakarreko estiloak

Orrialde-estilo batek orrialde bakarra hartu dezan definitu daiteke. 'Lehen orrialdea' estiloa horren adibide da. Propietate hori ezartzeko, "hurrengo estiloa" beste orrialde-estilo bat izan dadin ezarri behar da Formatua - Orrialde-estiloa - Antolatzailea fitxa-orrian.

Orrialde bakarreko estiloa uneko orrialde-estiloaren beheko ertzean hasiko da eta hurrengo orrialde-jauzian amaituko da. Hurrengo orrialde-jauzia automatikoki agertuko da testua hurrengo orrialdera igarotzen denean. Zenbaitetan, "orrialde-jauzi biguna" deitzen zaio. Nahi izanez gero, eskuzko orrialde-jauzi bat txertatu daiteke.

Kurtsorearen kokagunean eskuzko orrialde-jauzi bat txertatzeko, sakatu +⏎ edo aukeratu Txertatu - Eskuzko jauzia eta, ondoren, sakatu 'Ados'.

Orrialde-estilo batean eskuz definitutako barrutia

'Lehenetsia' orrialde-estiloak ez du ezartzen beste "hurrengo estilo" bat Formatua - Orrialde-estiloa - Antolatzailea fitxa-orrian. Horren ordez, "hurrengo estiloa" ere 'Lehenetsia' da. Hurrengo orrialdeetan orrialde-estilo bera definituta duten orrialde-estilo guztiek orrialde anitz hartu ditzakete. Orrialde-estiloaren barrutiaren goiko eta beheko ertzak "orrialde-jauziak estiloarekin" aukerak definitzen ditu. "Orrialde-jauziak estiloarekin" aukera biren arteko orrialde guztiek estilo bera darabilte.

Kurtsorearen kokalekuan zuzenean "orrialde-jauzia estiloarekin" bat txertatu daiteke. Ekintza bera gauzatzeko beste modu bat, paragrafo bati edo paragrafo-estilo bati "orrialde-jauzia estiloarekin" propietatea aplikatzea da.

Egin ekintza hauetako bat:

• Kurtsorearen kokalekuan "orrialde-jauzia estiloarekin" txertatzeko, aukeratu Txertatu - Eskuzko jauzia, hautatu Estiloa ataleko izen bat zerrenda-koadroan, eta sakatu 'Ados'.

• To apply the “page break with style” property to the current paragraph, choose Format - Paragraph - Text Flow. In the Breaks area, activate Insert and With Page Style. Select a page style name from the listbox.

• To apply the “page break with style” property to the current paragraph style, right-click the current paragraph. Choose Edit Paragraph Style from the context menu. Click the Text Flow tab. In the Breaks area, activate Insert and With Page Style. Select a page style name from the listbox.

• To apply the “page break with style” property to an arbitrary paragraph style, choose View - Styles. Click the Paragraph Styles icon. Right-click the name of the paragraph style you want to modify and choose Edit Style. Click the Text Flow tab. In the Breaks area, activate Insert and With Page Style. Select a page style name from the listbox.