Lerro-zenbakiak gehitzea

Collabora Office aplikazioak automatikoki konta ditzake lerroak eta gehi ditzake lerro-zenbakiak dokumentu osoko edo hautatutako paragrafoetako lerroetan. Lerro-zenbakiak dokumentua inprimatzean sartzen dira, baina ez dokumentua HTML gisa gordetzean. Lerro-zenbakitzearen tartea, hasierako lerr-zenbakia eta lerro hutsak edo markoetako lerroak kontatu behar diren zehaztu dezakezu. Lerro-zenbakien artean bereizlea ere gehi dezakezu.

Dokumentu osoari lerro-zenbakiak gehitzeko

1. Aukeratu Tresnak - Lerro-zenbakitzea.

2. Hautatu Erakutsi zenbakitzea, eta hautatu nahi dituzun aukerak.

3. Sakatu Ados.

Paragrafo jakinei lerro-zenbakiak gehitzeko

1. Aukeratu Tresnak - Lerro-zenbakitzea.

2. Hautatu Erakutsi zenbakitzea.

3. Sakatu Estiloak leihoa irekitzeko, eta ondoren sakatu Paragrafo-estiloak ikonoa.

4. Egin klik eskuineko botoiaz "Lehenetsia" paragrafo-estiloan eta aukeratu Aldatu.

   Paragrafo-estilo guztiak "Lehenetsia" estiloan oinarrituta daude.

5. Egin klik Eskema eta zerrenda fitxan.

6. Lerro-zenbakitzea arean, garbitu Sartu paragrafo hau lerro-zenbakitzean kontrol-laukia.

7. Sakatu Ados.

8. Hautatu lerro-zenbakiak gehitu nahi dizkiozun paragrafoa.

9. Aukeratu Formatua - Paragrafoa, eta ondoren egin klik Eskema eta zenbakitzea fitxan.

10. Hautatu Sartu paragrafo hau lerro-zenbakitzean.

11. Sakatu Ados.

Lerro-zenbakitzea duen paragrafo-estiloa ere sor dezakezu, eta lerro-zenbakiak gehitu nahi dizkiezun paragrafoetan aplikatu.

Hasierako lerro-zenbakia zehazteko

1. Egin klik paragrafoan.

2. Aukeratu Formatua - Paragrafoa eta egin klik Eskema eta zerrenda fitxan.

3. Hautatu Sartu paragrafo hau lerro-zenbakitzean kontrol-laukia.

4. Hautatu Hasi berriro paragrafoan kontrol-laukia.

5. Sartu lerro-zenbaki bat Hasi honekin: koadroan.

6. Sakatu Ados.