Dokumentu maisuak eta azpidokumentuak erabiltzea

Dokumentu maisuaren bidez dokumentu handiak kudeatu daitezke, adibidez, hainbat kapitulu dituen liburua. Dokumentu maisua Collabora Office Writer fitxategi indibidualentzako edukiontzi gisa ikusi daiteke. Fitxategi indibidualei azpidokumentu deitzen zaie.

Dokumentu maisua sortzeko

1. Egin ekintza hauetako bat:

• Aukeratu Fitxategia - Berria - XML inprimaki-dokumentua.

• Aukeratu Fitxategia - Bidali - Sortu HTML dokumentua.

2. Dokumentu maisu berria sortzen ari bazara, nabigatzaileko lehen sarrerak Testua motako sarrera izan behar du. Idatzi testuren bat, esaterako aitzinsolas bat. Horrek ziurtatuko du dokumentu maisuko estiloren bat editatzean, estilo aldatua ikusiko duzula azpidokumentuak begiratzean.

3. Dokumentu maisuen nabigatzailean (automatikoki ireki behar da, bestela sakatu F5 hura irekitzeko), egin klik eta eutsi sakatuta Txertatu ikonoan, eta egin ondorengo ekintzetako bat:

• Lehendik dagoen fitxategi bat azpidokumentu gisa txertatzeko, aukeratu Fitxategia, bilatu sartu nahi duzun fitxategia, eta sakatu Ados.

• Itzaleztaduren zerrenda gordetzeko, egin klik Gorde itzaleztaduren zerrenda botoian, idatzi fitxategi-izena eta sakatu Gorde.

• Azpidokumentuen arteko testuren bat txertatzeko, aukeratu Testua. Ondoren, idatzi testua. Ezin da testurik txertatu nabigatzailean lehendik dagoen testu baten alboan.

4. Aukeratu Fitxategia - Gorde

Dokumentu maisua editatzeko

Erabili nabigatzailea dokumentu maisuko azpidokumentuak berrantolateko eta editatzeko.

• Azpidokumentu bat editatzeko irekitzeko, egin klik bikoitza azpidokumentuaren izenean, nabigatzailean.

• Azpidokumentu bat dokumentu maisutik kentzeko, egin klik eskuineko botoiaz azpidokumentuan, nabigatzaileko zerrendan, eta aukeratu Ezabatu. Azpidokumentuaren fitxategia ez da ezabatzen, nabigatzaile sarrera bakarrik kentzen da.

• Dokumentu maisuari testua gehitzeko, egin klik eskuineko botoiaz Nabigatzailea zerrendako elementu batean, eta aukeratu Txertatu - Testua. Testu-sekzioa txertatzen da dokumentu maisuan hautatutako elementuaren aurrean, eta hor nahi duzun testua idatz dezakezu. Testu-sekzioa ezin duzu beste testu-sekzio baten ondoan txertatu.

• Dokumentu maisu bateko azpidokumentua berrordenatzeko, arrastatu azpidokumentua nabigatzaileko zerrendako beste kokaleku batera. Hori egiteko beste modu bat, zerrendako azpidokumentua hautatu eta Eraman behera edo Eraman gora ikonoak sakatzea da.

• Indizea gehitzeko, esaterako aurkibidea, egin klik eskuineko botoiaz Nabigatzailea zerrendan eta aukeratu Txertatu - Indizea.

Azpidokumentu bakoitza orri berri batean hasteko

1. Ziurtatu azpidokumentu bakoitza paragrafo-estilo bera duen izenburuarekin hasten dela, adibidez, "1. izenburua".

2. Dokumentu maisuan, aukeratu Ikusi - Estiloak, eta egin klik Paragrafo-estiloak ikonoan.

3. Egin klik eskuineko botoiaz "1. izenburuan" eta aukeratu Aldatu.

4. Egin klik Testu-fluxua fitxan.

5. Jauziak arean, hautatu Txertatu eta ondoren hautatu 'Orrialdea' Mota koadroan.

6. Azpidokumentu bakoitza orrialde bakoitietan hastea nahi baduzu, hautatu Orrialde-estiloarekin, eta koadroan, hautatu "Eskuineko orrialdea".

7. Sakatu Ados.

Dokumentu maisu bat esportatzeko

1. Aukeratu Fitxategia - Esportatu.

2. Gorde honela zerrendan, hautatu testu-dokumentuen fitxategi-formatu bat eta sakatu Gorde.