Sekzioa

Sekzioaren propietateak ezartzen ditu.

Sekzio berria

Idatzi sekzio berriaren izena. Lehenespenez, Collabora Office aplikazioak "X sekzioa" izena esleitzen die sekzio berriei. X elkarren ondoko zenbakia da.

Esteka

Esteka

Beste dokumentu bateko edukia edo beste dokumentu bateko sekzioa uneko sekzioan txertatzen du.

DDE

DDE esteka sortzen du. Hautatu kontro-lauki hori eta sartu erabili nahi duzun DDE komandoa. DDE aukera erabilgarri egongo da Esteka kontrol-laukia markatuta badago.

DDE komandoaren sintaxi orokorra hau da: "<Server> <Topic> <Item>". Zerbitzaria datuak dituen aplikazioaren DDE izena da. Topic Item-aren kokalekua da (normalean fitxategiaren izena), eta Item uneko objektua da.

Adibidez, Collabora Office aplikazioko abc.odt testu-dokumentutik "1sekzioa" izeneko sekzioa DDE esteka gisa txertatzeko, erabili komano hau: "soffice x:\abc.odt 1sekzioa". "abc.xls" izeneko Microsoft Excel kalkulu-orri batetik lehen gelaxkaren edukia txertatzeko, erabili komando hau: "excel x:\[abc.xls]Sheet1 z1s1". DDE esteka gisa ere kopiatu ditzakezu txertatu nahi dituzun elementuak, eta ondoren, aukeratu Editatu - Itsatsi berezia. Estekaren DDE komandoa ikusteko, hautatu edukia eta aukeratu Editatu - Eremuak.

Fitxategi-izena

Sartu txertatu nahi duzun fitxategiaren bide-izena eta fitxategi-izena, edo sakatu Arakatu botoia, fitxategia lokalizatzeko.

Arakatu

Lokalizatu esteka gisa txertatu nahi duzun fitxategia, eta sakatu Txertatu.

Sekzioa

Hautatu esteka gisa txertatu nahi duzun fitxategi-sekzioa.

Estekatutako sekzioak dituen dokumentua irekitzean, estekak eguneratzeko eskatuko zaizu.

Idazketaren aurkako babesa

Babestu

Hautatutako sekzioa editatzea eragozten du.

Pasahitzarekin

Pasahitz batekin babesten du hautatuko sekzioa. Pasahitzak gutxienez 5 karaktere izan behar ditu.

Pasahitza

Uneko pasahitza aldatzeko aukera ematen duen elkarrizketa-koadro bat irekitzen du.

Ezkutatu

Ezkutatu

Hautatutako sekzioa ez inprimatzeko ezkutatu eta babesten du. Ezkutuko sekzioen osagaiak grisez agertzen dira nabigatzailean. Sagua ezkutuko osagai baten gainean jartzen baduzu, "ezkutatuta" laguntza-iradokizuna bistaratzen da.

Baldintzarekin

Sartu sekzioa ezkutatzeko bete behar den baldintza. Baldintza adierazpen logikoa da, adibidez, "SALUTATION EQ Mr.". Adibidez, posta-batzea eredu-gutunaren eginbidea erabiltzen baduzu datu-baseko "Mr.", "Ms." edo "Sir or Madam" dituen "Salutation" eremua definitzeko, sekzio bat inprimatzeko agurrean "Mr." elementuak agertu behar duela zehaztu dezakezu.

Beste adibide bat "x" eremu-aldagaia sortzea eta haren balio gisa 1 ezartzea izango litzateke. Ondoren, zehaztu sekzioa ezkutatzeko aldagai horretan oinarritutako baldintza, adibidez: "x eq 1". Sekzioa bistaratzea nahi baduzu, ezarri "x" aldagaiari "0" balioa.

Propietateak

Uneko dokumentua XForm dokumentua denean, area hori ikusiko duzu elkarrizketa-koadroan.

Soilik irakurtzeko dokumentuan editagarria

Hautatu aukera hori sekzioaren edukia editatzeko, nahiz eta dokumentua irakurtzeko moduan soilik irekita egon.