Collabora Office 24.04 laguntza
Collabora Office Impressek diagramak, marrazki-objektuak, testua, multimedia eta beste hainbat objektu dituzten diapositiba-aurkezpen profesionalak sortzeko aukera ematen dizu. Nahi izanez gero, Microsoft PowerPointeko aurkezpenak ere inporta eta alda ditzakezu.
Pantailako diapositiba-aurkezpenetan, animazioa, diapositiba-trantsizioa eta multimedia aurkezpenak interesgarriago egiteko tekniketako batzuk dira.
Bektore-grafikoak sortzeko Collabora Office Draw aplikazioko tresna asko Collabora Office Impressen daude erabilgarri.
Collabora Office Impressek txantiloiak eskaintzen dizkizu itxura profesionaleko diapositibak sortzeko.
Diapositibetan hainbat efektu dinamiko ere eslei ditzakezu, animazioa eta trantsizio-efektua barne.
Hainbat ikuspegi edo orrialde diapositiba-aurkezpena diseinatzean egoten dira erabilgarri. Adibidez, diapositiba-sailkatzaileak diapositiben ikuspegi orokorra koadro txikitan bistaratzen du, eta eskuorriaren orrialdeak, berriz, diapositiba eta ikusleei banatu nahi diezun testua bistaratzen ditu.
Collabora Office Impressek aurkezpen kronometratua egiteko aukera ematen dizu.
Pantailako diapositibak eskuorri gisa edo HTML dokumentu gisa argitara ditzakezu.
Collabora Office Impressek diapositiba-aurkezpenak automatikoki edo eskuz egiteko aukera ematen dizu.