Makro bat grabatzea

Collabora Office Writer eta Calc aplikazioek teklatuarekin eta saguarekin exekutatutako komandoak graba ditzakete

1. Ireki makroa grabatu nahi diozun dokumentua.

2. Aukeratu Tresnak - Makroak - Grabatu makroa.

   

   Tresnak - Makroak - Grabatu makroa menu-elementua falta bada, ziurtatu makroak grabatzeko eginbidea gaituta dagoela - Collabora Office - Aurreratua atalean.

   
   

   Grabazioa elkarrizketa-koadro txikia ikusiko duzu. Gelditu grabazioa botoia bakarrik dauka.

3. Exekutatu dokumentuan grabatu nahi dituzun ekintzak.

   Sakatu Escape tekla objektu bat desautatzeko, makro-grabatzaileak oraindik ez baitu ekintza hori saguaren klikaren bidez grabatzen.

4. Sakatu Gelditu grabazioa botoia.

   Makroa elkarrizketa-koadroa agertuko da, eta hor makroa gorde eta exekuta dezakezu.

   Grabazioa makroa gorde gabe abortatu nahi baduzu, egin klik Grabatu makroa elkarrizketa-koadroko Itxi botoian.

5. Makroa gordetzeko, hautatu makroa gordetzeko erabiliko duzun objektua Gorde makroa hemen zerrenda-koadroan.

6. Makroa liburutegi edo modulu berri batean gorde nahi baduzu, egin klik Liburutegi berria edo Modulu berria botoian eta idatzi liburutegiaren edo moduluaren izena.

7. Idatzi makro berriaren izena Makro-izena testu-koadroan. Ez erabili Basic gako-hitzak izen modura.

8. Sakatu Gorde.

Makro-grabatzailearen mugak

Ondorengo ekintzak ez dira grabatzen:

• Leihoen irekitzea ez da grabatzen.

• Grabatzailea abiarazi den leihoa ez den beste batean egindako ekintzak ez dira grabatzen.

• Leihoak txandakatzea ez da grabatzen.

• Dokumentuaren edukiarekin zerikusirik ez duten ekintzak ez dira grabatzen. Adibidez, 'Aukerak' elkarrizketa-koadroan, makro-antolatzailean edo pertsonalizazioan egindako aldaketak ez dira grabatzen.

• Hautapenak grabatzen dira teklatua erabiliz egin badira (kurtsorearekin mugituz), baina ez sagua erabiliz egin badira.

• Makro-grabatzaileak Calc eta Writer aplikazioetan besterik ez du funtzionatzen.