ImageMap Editor

URLak gune bero deitzen diren area zehatz batzuetan, grafiko batean edo grafiko multzo batean erants daitezke. Irudi-mapa bat gune bero bat edo gehiagoren talde bat da.

Gune beroak hiru motatakoak dira: laukizuzenak, elipseak eta poligonoak. Gune bero batean klik egitean, URLa zuk zehaztutako nabigatzailearen leihoan edo markoan irekiko da. Sagua gune beroan jartzean agertuko den testua ere zehaztu daiteke.

Aplikatu

Irudi-mapan egindako aldaketak aplikatzen ditu.

Ireki

MAP-CERN, MAP-NCSA edo SIP StarView ImageMap fitxategi-formatuetan lehendik dauden irudi-mapak kargatzen ditu.

Gorde

MAP-CERN, MAP-NCSA edo SIP StarView ImageMap fitxategi-formatuetan gordetzen du irudi-mapa.

Hautatu

Irudi-mapan editatzeko gune bero bat hautatzen du.

Laukizuzena

Laukizuzen formako gune bero bat marrazten du grafikoan. Ondoren, gune beroaren Helbidea eta Ordezko testua sartu daitezke eta URLa irekitzeko erabiliko den Markoa hautatu daiteke.

Elipsea

Gune bero eliptiko bat marrazten du grafikoa arrastatzen den tokian.Ondoren, gune beroaren Helbidea eta Ordezko testua sartu daitezke eta URLa irekitzeko erabiliko den Markoa hautatu daiteke.

Poligonoa

Poligono formako gune bero bat marrazten du grafikoan. Egin klik ikono honetan, arrastatu grafikoan eta, ondoren, egin klik poligonoaren alde bat definitzeko. Joan hurrengo aldearen amaiera kokatu nahi duzun tokira eta egin klik. Errepikatu prozedura bera poligonoaren alde guztiak marraztu arte. Amaitzen duzunean, egin klik bikoitza poligonoa ixteko.Ondoren, gune beroaren Helbidea eta Ordezko testua sartu daitezke eta URLa irekitzeko erabiliko den Markoa hautatu daiteke.

Forma libreko poligonoa

Forma libreko poligono baten forma duen gune bero bat marrazten du. Egin klik ikono honetan eta joan gune beroa marraztu nahi duzun tokira. Arrastatu forma libreko marra bat eta askatu forma ixteko.Ondoren, gune beroaren Helbidea eta Ordezko testua sartu daitezke eta URLa irekitzeko erabiliko den Markoa hautatu daiteke.

Editatu puntuak

Hautatutako gune beroaren forma alda daiteke aingura-puntuak editatuz.

Mugitu puntuak

Hautatutako gune beroaren aingura-puntu indibidualak lekuz alda daitezke.

Txertatu puntuak

Gune beroaren eskeman klik egiten duzun lekuan aingura-puntu bat gehitzen du.

Ezabatu puntuak

Hautatutako aingura-puntua ezabatzen du.

Aktibo

Hautatutako gunearen hiperesteka desgaitzen edo gaitzen du. Gune desgaitu bat gardena da.

Makroa

Arakatzaile batean hautatutako gunean klik egitean exekutatzen den makro bat eslei daiteke.

Propietateak

Hautatutako gunearen propietateak defini daitezke.

Helbidea:

Sartu hautatutako gunean klik egitean irekiko den fitxategiaren URLa. Dokumentuan aingura batera joan nahi izanez gero, helbideak honelako itxura izan behar du: "file:///C/Dokumentuak/dokumentuaren_izena#aingura_izena".

Ordezko testua

Idatzi arakatzaileko gune bero batean sagua jartzen denean bistaratuko den testua. Ez bada testurik idazten, Helbidea bistaratuko da.

Markoa:

Idatzi URLa irekitzeko helburuko markoaren izena, edo zerrendatik marko-izen estandar bat ere hauta daiteke.

Marko moten zerrenda

Grafikoaren ikuspegia

Irudi-mapa bistaratzen du, horrela, guneetan klik egin dezakezu eta edita ditzakezu.