Collabora Office 24.04 laguntza
Collabora Office Draw aplikazioak marrazki sinpleak eta konplexuak sortu eta haiek irudi-formatu arruntetara esportatzeko aukera ematen dizu. Collabora Office programetan sortutako taulak, diagramak, formulak eta beste elementu batzuk ere marrazkietan txerta ditzakezu.
Collabora Office Drawek bektore-grafikoak sortzen ditu bektore matematikoek zehaztutako marrak eta kurbak erabiliz. Bektoreek marrak, elipseak eta poligonoak deskribatzen dituzten, haien geometriaren arabera.
Collabora Office Drawen 3D objektu sinpleak sor ditzakezu, adibidez, kuboak, esferak eta zilindroak, eta objektuen argi-iturria ere alda dezakezu.
Saretek eta doitze-lerroek marrazkietako objektuak lerrokatzen laguntzeko gida erakusten dizute. Objektu bat sareta-marrara, doitze-lerrora edo beste objektu baten ertzera moldatzea ere aukera dezakezu.
Collabora Office Drawen, objektuak "lotura-marrak" izeneko marra berezien bidez konektatu daitezke objektuen arteko erlazioa erakusteko. Lotura-marrak kolatze-puntuei itsasten zaizkie marrazki-objektuetan, eta itsatsita gelditzen dira konektatutako objektuak lekuz aldatzean. Lotura-marrak erabilgarriak dira organigramak eta diagrama teknikoak sortzeko.
Diagrama teknikoek sarritan objektuen neurriak erakusten dituzte marrazkietan. Collabora Office Drawen, kota-lerroak erabil ditzakezu neurri linealak kalkulatzeko eta bistaratzeko.
Galeriak irudiak, animazioak, soinuak eta beste elementu batzuk dauzka, eta horiek marrazkietan eta beste Collabora Office programa batzuetan txertatu eta erabil ditzakezu.
Collabora Office Drawek grafiko-fitxategien hainbat formatu arruntetara esporta dezake, adibidez, BMP, GIF, JPG eta PNG.