JDBC konexioa
JDBC datu-base batean sartzeko aukerak zehazten ditu.
JDBC adibideak
JDBC kontrolatzaile-klasea erabili daiteke Collabora Office aplikaziotik JDBC datu-base batekin konektatzeko. Kontrolatzaile-klasea datu-basearen fabrikatzaileak ematen du. JDBC datu-baseen bi adibide Oracle eta MySQL dira.
Kontrolatzaile-klaseak honako tokian gehitu behar zaizkio Collabora Office aplikazioari: .
Oracle datu-basea
JDBC kontrolatzailea erabili daiteke Solaris edo Linuxetik Oracle datu-base batean sartzeko. Datu-basean Windowsetik sartzeko, ODBC kontrolatzailea behar da.
Datu-iturburuaren URLa koadroan, sartu Oracle datu-basearen zerbitzariaren kokalekua. URLaren sintaxia datu-base motaren araberakoa da. Informazio gehiago lortzeko, ikusi JDBC kontrolatzailearekin batera datorren dokumentazioa.
Oracle datu-baseetan, URLaren sintaxia honakoa da:
oracle:thin:@hostname:port:database_name
-
'hostname' (ostalari-izena) Oracle datu-basea exekutatzen duen ordenagailuaren izena da. Ostalari-izena zerbitzariaren IP helbidearekin ere ordeztu daiteke.
-
'port' Oracle datu-baseak entzuten duen ataka da. Galdetu datu-basearen administratzaileari zein den ataka-helbide zuzena.
-
'database_name' Oracle datu-basearen izena da. Galdetu datu-basearen administratzaileari zein den izen zuzena.
MySQL datu-basea
MySQL datu-basearen kontrolatzaile-artxiboa MySQL-ren web gunean dago erabilgarri.
MySQL datu-baseen sintaxia honakoa da:
mysql://hostname:port/database_name
-
'hostname' MySQL datu-basea exekutatzen duen ordenagailuaren izena da. Ostalari-izena IP helbidearekin ordeztu daiteke.
-
'port' MySQL datu-basearen ataka lehenetsia da, adibidez, 3306.
-
'database_name' datu-basearen izena da.
Datu-iturburuaren URLa
Idatzi datu-basearen URLa. Adibidez, MySQL JDBC kontrolatzailearentzat, sartu "mysql://<ZerbitzariIzena>/<datu-basearen izena>". JDBC kontrolatzaileari buruz informazio gehiago lortzeko, kontsultatu kontrolatzailearen dokumentazioa.
JDBC kontrolatzaile-klasea
Sartu JDBC kontrolatzailearen izena.
JDBC kontrolagailu bat erabili ahal izan baino lehen, bere klase-bidea gehitu behar da. Aukeratu , eta egin klik botoian. Bidearen informazioa gehitu ondoren, berrabiarazi Collabora Office.
Probatu klasea
Konexioa uneko ezarpenekin probatzen du.