Falta den elementua

Kontsulta baten taulak edo eremuak jadanik existitzen ez badira, Falta den elementua elkarrizketa-koadroa agertuko da. Elkarrizketa-koadro horretan, falta den taula edo eremua zerrendatuko du eta prozedurarekin nola jarraitu erabakitzea ahalbidetuko du.

Nola jarraitu?

Hiru aukera daude galdera horri erantzuteko:

Benetan ireki nahi da kontsulta ikuspegi grafikoan?

Kontsulta Diseinu-ikuspegian irekitzeko aukera ematen du, elementuak falta arren. Aukera honen bidez, erroreei ez ikusiarena egin behar zaien ala ez erabaki daiteke.

Kontsulta diseinu-ikuspegian (interfaze grafikoa) irekiko da. Falta diren taulak zuri agertuko dira eta baliogabeko eremuak beren (baliogabeko) izenekin agertuko dira eremuen zerrendan. Horrela, errorea ematen duten eremu zehatzekin lan egin daiteke.

Ireki kontsulta SQL ikuspegian

Kontsulta-diseinua SQL moduan irekitzea eta kontsulta Jatorrizko SQL gisa interpretatua izan dadin ahalbidetzen du. Jatorrizko SQL modutik irteteko, Collabora Office instrukzioa osorik interpretatu behar da (soilik da posible kontsultan erabilitako taulak edo eremuak benetan existitzen badira).

Ez ireki kontsulta

Prozedura bertan behera utzi eta kontsulta ez dela ireki behar zehazteko aukera ematen du. Aukera hori elkarrizketa-koadroko Utzi botoiaren funtzioari dagokio.

Ez ikusiarena egin antzeko erroreei

Lehen aukera hautatzen bada baina elementuak falta arren kontsulta grafikoen ikuspegian ireki nahi bada, erroreei ez ikusiarena egingo zaien ala ez zehaztu daiteke. Hala, unean irekitzen ari den prozesuan, ez da errore-mezurik bistaratuko kontsulta behar bezala interpretatu ezin bada.