'Zutabea eta marra' diagrama mota

Diagrama-morroiaren lehen orrian, diagrama mota bat hautatu dezakezu.

'Zutabea eta marra'

'Zutabea eta marra' diagrama 'Zutabea' motako diagrama baten eta'Marra' mota diagrama baten konbinazioa da.

Hautatu aldagaietako bat

• Zutabeak eta marrak. Zutabeko datu-serietako laukizuzenak elkarren ondoan marrazten dira haien balioak erraz konparatu ahal izateko.

• Pilatutako zutabeak eta marrak. Zutabeko datu-serietako laukizuzenak bata bestearen gainean pilatuta marrazten dira, eta, beraz, zutabe baten altuerak datu-balioen batura bistaratzen du.

Bigarren Y ardatz bat txertatu dezakezu Txertatu - Ardatzak erabilita, morroia amaitu ondoren.

Datu-barruti bat zehazteko

Hautatutako datu-barrutian ezker-ezkerrean dauden zutabeek (edo goiko errenkadek) zutabeetako objektu gisa erakusten diren datuak ematen dituzte. Datu-barrutiko beste zutabe edo errenkadek marretako objektuetarako datuak ematen dituzte. Esleipen hori Datu-seriea elkarrizketa-koadroan alda dezakezu.

1. Hautatu datu-barrutia.

2. Egin klik errenkada edo zutabeetako datu-serietarako aukera batean.

3. Egiaztatu datu-barrutiak etiketak dituen lehen errenkadan, lehen zutabean edo bietan.

Datu-serieak antolatzea

Datu-serieen zerrenda-koadroan, uneko diagramako datu serie guztien zerrenda ikus dezakezu.

Zutabeko datu-serieak zerrendaren goiko partean kokatuta daude,eta marrako datu-serieak zerrendaren beheko partean.

• Datu-serieak antolatzeko, hautatu sarrera bat zerrendan.

• Egin klik Gehitu botoian, hautatutako sarreraren azpian beste serie bat gehitzeko. Datu-serie berria hautatutako sarreraren mota berekoa izango da.

• Egin klik Kendu botoian, hautatutako sarrera datu-serieen zerrendatik kentzeko.

• Erabili gora eta behera gezien botoiak, hautatutako sarrera zerrendan gora edo behera mugitzeko. Horrela zutabeko datu-serie bat zerrendako datu-serie bihur dezakezu, eta alderantziz. Honek ez du datu-iturburuaren taulako ordena aldatzen, diagramaren antolaketa baizik.

Datu-serieak editatzea

1. Egin klik zerrendako sarrera batean, sarrera horren propietateak ikusi eta editatzeko.

   Datu-barrutien zerrenda-koadroan, datu-serieen osagaien rol-izenak eta gelaxka-barrutiak ikus ditzakezu.

2. Egin klik sarrera batean, eta, gero, editatu edukiak beheko testu-koadroan.

   Testu-koadroaren ondoko etiketak hautatuta dagoen rola adierazten du.

3. Sartu barrutia edo egin klik Hautatu datu-barrutia aukeran, elkarrizketa-koadroa ikonotzeko eta barrutia saguarekin hautatzeko.

Datu-rol baten (Y balioak kasu) barrutiak ez du etiketa-gelaxkarik izan behar.

Kategoriak edo datu-etiketak editatzea

• Sartu edo hautatu kategoria edo datu-etiketetarako testu gisa erabiliko den gelaxka-barruti bat.

Kategorien barrutiko balioak etiketa gisa erakutsiko dira x ardatzean.

Diagrama-elementuak txertatzea

Erabili diagramen morroiko diagrama-elementuen orria ondorengo elementuetako baten bat txertatzeko:

• Diagramako tituluak

• Legenda

• Sareta-marra ikusgaiak

Elementu gehigarriak nahi izanez gero, erabili diagramaren Txertatu menua editatzeko moduan. Hor ondorengo elementuak defini ditzakezu:

• Bigarren mailako ardatza

• Sareta lagungarria

• Datu-etiketak

• Estatistikak, adibidez batez besteko balioak, y errore-barrak eta joera-marrak.

Datu-serie bakoitzarentzako datu-etiketak ezartzeko, erabili datu-seriearen propietateen elkarrizketa-koadroa.