Orriak HTML gisa gorde eta irekitzea

Orriak HTML gisa gordetzea

Calc dokumentuko orri guztiak batera gordetzen ditu Collabora Office Calc-ek HTML dokumentu gisa. HTML dokumentuaren hasieran automatikoki gehitzen dira goiburukoa eta hiperesteka-zerrenda bat; hiperesteka horiek dokumentuko orrietara eramaten dute.

Zenbakiak idatzita dauden bezala bistaratzen dira. Gainera, <SDVAL> HTML etiketan barneko zenbaki-balio zehatza idazten da, eta, beraz, HTML dokumentua Collabora Office(r)ekin irekitakoan badakizu balio zehatzak dituzula.

1. Uneko Calc dokumentua HTML gisa gordetzeko, hautatu Fitxategia - Gorde honela.

2. Fitxategi mota zerrenda-koadroan, beste Collabora Office Calc iragazkiekin batera agertzen den arean, aukeratu fitxategi mota hau: "HTML dokumentua (Collabora Office Calc)".

3. Sartu Fitxategi-izena, eta egin klik Gorde botoian.

HTML orriak irekitzea

Collabora Office suiteak hainbat iragazki dauzka HTML fitxategiak irekitzeko; Fitxategia - Ireki aukeratu, eta Fitxategi mota zerrenda-koadroan hauta ditzakezu:

• Aukeratu "HTML dokumentua (Collabora Office Calc)" Collabora Office Calc-en irekitzeko.

  Orain erabilgarri izango dituzu Collabora Office Calc-eko aukera guztiak. Ezin dira Collabora Office Calc-ek dokumentuak editatzeko eskaintzen dituen aukera guztiak HTML formatuan gorde.