Erregresio-analisia

Datu multzo baten erregresio lineal, logaritmiko edo potentziala kalkulatzen du, mendeko aldagai bat eta aldagai independente anitz hartuta.

Adibidez, uzta baten etekina (mendeko aldagaia) prezipitazioari, tenperaturari, eguzki-orduei, hezetasunari, lurzoruaren kalitateari eta independenteak diren beste hainbat aldagairi lotuta egon daiteke.

Datuak

Aldagai independenteen (X) barrutia:

Sartu behaketa aldakor independente anitz dituen barruti bakar bat (zutabeetan edo errenkadetan). X behaketa aldakor guztiak elkarren ondoan sartu behar dira taula berean.

Mendeko aldagaiaren (Y) barrutia:

Sartu erregresioa kalkulatzeko erabiliko den mendeko aldagaia duen barrutia.

X eta Y barrutiek, biek dituzte etiketak

Markatu hau irteerako barrutiaren aldagai-izen gisa datu multzoen lehen errenkada (edo zutabea) erabiltzeko.

Emaitzak hemen:

Emaitzak bistaratzeko erabiliko den barrutiaren goiko ezkerreko gelaxkaren erreferentzia.

Irteerako erregresio motak

Ezarri erregresio mota. Hiru mota daude erabilgarri:

• Erregresio lineala: y = b + a₁.[x₁] + a₂.[x₂] + a₃.[x₃]... formako funtzio lineal bat bilatzen du, non a_i i-garren malda den, [x_i] i-garren aldagai independentea den eta b datuei ondoen egokitzen den ebakidura den.

• Erregresio logaritmikoa: y = b + a₁.ln[x₁] + a₂.ln[x₂] + a₃.ln[x₃]... formako erregresio logaritmiko bat bilatzen du, datuei ondoen egokitzen zaiena, non a_i i-garren koefizientea den, b ebakidura den eta ln[x_i] i-garren aldagai independentearen logaritmo naturala den.

• Erregresio potentziala: y = exp( b + a₁.ln[x₁] + a₂.ln[x₂] + a₃.ln[x₃] ...) formako kurba potentzial bat bilatzen du, non a_i i-garren berretura den, [x_i] i-garren aldagai independentea den eta b datuei ondoen egokitzen zaion ebakidura den.

Aukerak

Konfiantza-maila

0 eta 1 (esklusiboa) arteko zenbakizko balio bat, balio lehenetsia 0.95 da. Calc aplikazioak ehuneko hori erabiltzen du estimazio bakoitzari (alegia, maldei eta ebakidurari) dagozkion konfiantza-tarteak kalkulatzeko.

Kalkulatu hondarrak

Hautatu hondarrak kalkulatuko diren ala ez. Zenbait kasutan onuragarria izan daiteke hori egitea, adibidez maldetan eta ebakidura-estimazioetan eta haien estatistiketan soilik interesatuta bazaude. Hondarrek esaten dute uneko datu-puntuak nora arte desbideratzen diren aurresandako datu-puntuetatik, erregresio-ereduan oinarrituta.

Behartu ebakidura zero izan dadin

Erregresio-eredua kalkulatzeko, zero erabiltzen du ebakidura gisa, eredua jatorritik igaro dadin behartzeko.