Prilabori Ĉefajn Dokumentojn kaj ŝubdokumentojn

Ĉefa dokumento ebligas administri grandajn dokumentojn, ekzemple libron kun multaj ĉapitroj. La ĉefa dokumento estas rigardebla kiel ujo por unuopaj dosieroj de Collabora Office Verkilo. La unuopaj dosieroj nomiĝas subdokumentoj.

Krei ĉefan dokumenton

1. Faru iun el la jenaj:

• Elektu menuerojn Dosiero - Nova - Ĉefa dokumento.

• Malfermu ekzistantan dokumenton kaj elektu menuerojn Dosiero - Sendi - Krei ĉefan dokumenton.

2. Se vi kreas novan ĉefan dokumenton, la unua ero en Navigilo devus esti Teksto . Tajpu enkondukon aŭ enigi iom da teksto. Tio certigas ke, redaktinte ekzistantan stilon en la ĉefa dokumento, vi vidos la ŝanĝitan stilon kiam vi vidigos la subdokumentojn.

3. En la Navigilo por ĉefaj dokumentoj (devus malfermi aŭtomate, alie premu je F5 por malfermi), alklaku kaj premu la bildsimbolon Enmeti , kaj fari iun el la jenaj:

• Por enmeti ekzistantan dosieron kiel subdokumenton, elektu je Dosiero, serĉu la dosieron inkluzivotan, kaj alklaku al Malfermi.

• Por krei novan subdokumenton, elektu menueron Nova dokumento, tajpu nomon por la dosiero, kaj tiam alklaku al Konservi.

• Por enmeti tekston inter subdokumentoj, elektu je Teksto. Tiam tajpu la tekston. Vi ne povas enmeti tekston apud ekzistanta elemento en Navigilo.

4. Elektu menuerojn Dosiero - Konservi.

Por redakti ĉefan dokumenton

Uzu la Navigilon por rearanĝi kaj redakti la subdokumentojn en model dokumento.

• Por malfermi subdokumenton por redakti, duoble alklaku la nomon de la subdokumento en la Navigilo.

• Por forigi subdokumenton el la ĉefa dokumento, dekstre alklaku la subdokumenton en la listo de Navigilo kaj elektu menueron Forigi. Tio ne forigas la dosieron de la subdokumento, foriĝas nur la ligilo en la Navigilo.

• Por enmeti tekston en ĉefan dokumenton, dekstre alklaku eron en la listo de Navigilo, kaj elektu je Enmeti - Teksto. Teksta sekcio enmetiĝas antaŭ la elektita ero en la ĉefa dokumento kie vi povas tajpi la deziratan tekston. Vi ne povas enmeti tekston apud ekzistanta tekstero en Navigilo.

• Por reordigi la subdokumentojn en ĉefa dokumento, ŝovu subdokumenton al nova loko en la listo de Navigilo. Vi ankaŭ povas elekti subdokumenton en la listo, kaj alklaki la bildsimbolon Movi malsupren aŭ Movi supren .

• Por aldoni indekson, ekzemple kiel tabelon de enhavo, dekstre alklaku en la listo de Navigilo, kaj elektu menuerojn Enmeti - Indekso.

Por komenci ĉiun subdokumenton en nova paĝo.

1. Certigu ke ĉiu subdokumento komenciĝas per titolo kiu uzas la saman alinean stilon, ekzemple "Titolo 1".

2. En la ĉefa dokumento, elektu menuerojn Vido - Stiloj, kaj alklaku la bildsimbolon Alineaj stiloj.

3. Dekstre alklaku je "Titolo 1" kaj elektu je Modifi.

4. Alklaku la langeton Teksta fluo .

5. En la areo Saltoj , elektu je Insert, kaj tiam elektu je “Paĝo”en la kadro Tipo .

6. Se vi volas ke ĉiu subdokumento komencu ĉe malpara paĝo, elektu je Laŭ paĝa stilo, kaj elektu je "Dekstra paĝo" en la kadro.

7. Alklaku je Akcepti.

Por eksporti ĉefan dokumenton

1. Elektu menuerojn Dosiero - Eksporti.

2. En la listo Konservi kiel tipon, elektu tekstdokumentan dosieran formaton kaj alklaku al Konservi.