Crear rellenos con dilíos

Un rellenu de dilíu ye l'amiestu creciente de dos colores distintos o solombres del mesmu color que s'aplica a un oxetu de dibuxu.

P'aplicar un dilíu:

1. Escueyi un oxetu de dibuxu.

2. Escueyi Formatu - Rellenu y elixi Dilíu como'l tipu de Rellenu.

3. Esbilla unu de los estilos de dilíu de la llista y calca Aceutar.

Crear dilíos personalizaos

Pues definir los tos propios dilíos, modificar otros yá creaos, y guardar y cargar una llista de ficheros de dilíos.

Pa crear un dilíu personalizáu:

1. Escueyi Formatu - Área y calca la llingüeta Dilíos.

2. Escueyi de la llista de los dilíos yá esistentes el que deseyes usar como puntu de partida pal nuevu dilíu y calca Amestar.

3. Escribi'l nome del dilíu na caxa de testu y calca Aceutar.

   El nome apaez a la fin de la llista de dilíos, esbilláu pa editalu.

4. Afita les propiedaes del dilíu y calca Modificar pa guardalu.

5. Calca Aceutar.

Usar dilíos y tresparencies

Pues axustar col mur les propiedaes d'un dilíu o la tresparencia d'un oxetu de dibuxu.

P'axustar el dilíu d'un oxetu de dibuxu:

1. Escueyi un oxetu de dibuxu col dilíu que deseyes modificar.

2. Escueyi Formatu - Área y calca la llingüeta Dilíos.

3. Afai'l valor pa los dilíos d'alcuerdu a les tos preferencies y calca Aceutar.

P'axustar la tresparencia d'un oxetu, esbíllalu, escueyi Formatu - Área y calca na llingüeta Tresparencia.