Importar y Esportar ficheros dBASE

Pue abrir y guardar datos nel formatu de ficheru dBASE (ficheru con estensión *.dbf) en Collabora Office Base o en fueya de cálculu. En Collabora Office Base, una base de datos dBASE ye una carpeta que contién los ficheros con estensión .dbf. Cada ficheru correspuende a una tabla. Les fórmules y el formatu piérdese cuando abre y guarda un ficheru dBASE de Collabora Office.

Pa importar un ficheru dBASE nuna Fueya de Cálculu

1. Escueya Ficheru - Abrir.

2. Busque el ficheru *.dbf que deseye importar.

3. Faiga clic en Abrir.

   El diálogu Importar ficheru dBASE ábrese.

4. Faiga clic en Aceutar.

   El ficheru dBASE ábrese como una nueva fueya de cálculu de Calc.

   

   Si deseya guardar la fueya de cálculu como un ficheru dBASE, nun camude nin borre la primer filera del ficheru importáu. Esta filera contién la información riquida pola base de datos dBASE.

   
   

Pa importar un ficheru dBASE nuna tabla de base de datos

Una tabla de base de datos de Collabora Office Base de fechu ye un enllaz a una base de datos esistente.

1. Escueya Ficheru - Nuevu - Base de datos.

2. Nel cuadru Nome de ficheru del diálogu Guardar como, asigne un nome a la base de datos.

3. Calca Guardar.

4. Na caxa Triba de base datos del diálogu Propiedaes de la base datos, escueyi «dBASE».

5. Faiga clic en Siguiente.

6. Calca Restolar.

7. Alluga'l direutoriu que contién el ficheru dBASE y calca Aceutar.

8. Faiga clic en Crear.

Pa guardar una fueya de cálculu como un ficheru dBASE

1. Escueya Ficheru - Guardar como.

2. Nel caxellu Formatu Ficheru, escueya "ficheru dBASE".

3. Nel caxellu Nome de ficheru, introduza un nome pal ficheru dBASE.

4. Calca Guardar.

Namái s'esporten los datos de la fueya actual.