Filtrar táboas dinámicas

Pode empregar filtros para retirar os datos que non desexe dunha tába dinámica.

Prema o botón Filtrar da folla para invocar a caixa de diálogo das condicións de filtro. Como alternativa, invoque o menú de contexto da táboa dinámica e seleccione a orde Filtrar. Aparece a caixa de diálogo Filtrar. Nela, pode filtrar a táboa dinámica.

Tamén pode premer a frecha dun botón da táboa dinámica para que emerxa unha xaneliña. Nela pode editar as condicións de visibilidade do campo asociado.

• A xaneliña emerxente mostra unha lista dos membros de campo asociados con ese campo. Aparece unha caixa de selección á esquerda de cada nome de membro de campo. Se un campo ten un nome mostrado alternativo que difira do seu nome orixinal, é ese o nome que aparece na lista.

• Active ou desactiva unha caixa de opción para mostrar ou agochar o membro de campo asociado na táboa dinámica.

• Active ou desactive a opción Todo para mostrar un ou ningún dos membros de campo.

• Seleccione un membro de campo na xaneliña emerxente e prema o botón Mostrar só o elemento actual para que se mostre soamente o membro do campo seleccionado. O resto dos membros están ocultos na táboa dinámica.

• Seleccione un membro do campo na xanela emerxente e prema o botón Agochar só o elemento actual para agochar soamente o membro do campo seleccionado. O resto dos membros aparecen na táboa dinámica.

• As ordes permiten ordenar os membros do campo en orde ascendente, descendente ou empregando unha lista ordenada personalizada.

• Para editar as listas ordenadas personalizadas abra - Calc do Collabora Office - Listas ordenadas.

• Normalmente, a frecha para abrir a xanela emerxente é negra. Cando o campo contén un ou máis membros de campo ocultos a frecha é azul e mostra un cadradiño no recanto inferior dereito.

• Tamén pode abrir a xanela emerxente colocando o cursor da cela sobre o botón e premendo +D.

Abrir ficheiro cun exemplo: