Importar e exportar ficheiros de texto CSV con fórmulas

Os ficheiros con valores separados por vírgulas (SC) son ficheiros de texto que inclúen o contido das celas dunha única folla. Como delimitadores de campo pódense empregar vírgulas, puntos e vírgulas e outros caracteres. As cadeas de texto colócanse entre aspas e os números escríbense sen elas.

Para importar un ficheiro CSV

1. Escolla Ficheiro - Abrir.

2. No campo Tipo de ficheiro seleccione o formato «Texto CSV». Seleccione o ficheiro e prema Abrir. Se o ficheiro ten a extensión .csv o tipo de ficheiro recoñécese automaticamente.

3. Verá a caixa de diálogo Importación de texto. Prema Aceptar.

Se o ficheiro CSV contén fórmulas mais vostede quere importar os resultados desas fórmulas, escolla - Calc do Collabora Office - Ver e desmarque a opción Fórmulas.

Para exportar fórmulas e valores como ficheiros CSV

1. Prema na folla que desexa escribir como ficheiro CSV.

2. Se desexa exportar as fórmulas como fórmulas, por exemplo, no formato =SUM(A1:B5), proceda do seguinte xeito:

   Escolla - Calc do Collabora Office - Ver.

   En Mostrar marque a opción Fórmulas. Prema Aceptar.

   Se desexa exportar os resultados do cálculo no canto das fórmulas non marque Fórmulas.

3. Escolla Ficheiro - Gardar como. Verá a caixa de diálogo Gardar como.

4. No campo Tipo de ficheiro seleccione o formato «Texto CSV».

5. Introduza un nome e prema Gardar.

6. Na caixa de diálogo Exportar ficheiros de texto que aparece, seleccione o conxunto de caracteres e os delimitadores de campo e texto dos datos que desexe exportar e confirme con Aceptar.

7. Se é necesario, despois de gardar, limpe a opción Fórmulas para ver os resultados calculados na táboa de novo.