Eremuak

Eremuei buruz

Dokumentua

Eremuak uneko dokumentuari buruzko informazioa sartzeko erabiltzen dira, adibidez, fitxategiaren izena, txantiloia, estatistikak, erabiltzailearen datuak, data eta ordua.

Erreferentzia gurutzatua

Hemen txerta ditzakezu uneko dokumenturako erreferentziak edo erreferentzia gurutzatuak. Erreferentziak dokumentu bereko edo dokumentu maisuaren azpidokumentuetako erreferentzia gurutzatuak dira.

Erreferentzia gurutzatua eremu gisa sartzeak badu abantaila bat: ez dituzu erreferentziak eskuz egokitu behar dokumentua aldatzen duzun bakoitzean. Eguneratu eremuak F9 tekla sakatuz eta dokumentuko erreferentziak ere eguneratuko dira.

Funtzioak

Hautatzen duzun eremu motaren arabera, funtzio batzuentzako baldintzak eslei ditzakezu. Adibidez, klik egitean makro bat exekutatzen duen eremua defini dezakezu, edo baldintza bat betetzean ezkutatzen den eremua. Beharrezkoa denean, dokumentuan grafikoak, taulak, markoak edo beste objektu batzuk txertatzen dituzten leku-marken eremuak defini ditzakezu.

DokInformazioa

DokInformazioa eremuak dokumentuaren propietateei buruzko informazioa edukitzen du, esaterako dokumentua noiz sortu zen. Dokumentuaren propietateak ikusteko, aukeratu Fitxategia - Propietateak.

Aldagaiak

Aldagai-eremuen bidez eduki dinamikoa gehi dezakezu dokumentuetan. Adibidez, aldagai bat erabil dezakezu orrialde-zenbakitzea berrezartzeko.

Datu-basea

Edozein datu-basetako eremuak txerta ditzakezu dokumentuan, adibidez, helbide-eremuak.