Laster-menuak

Collabora Office laster-menuak modulu guztietarako pertsonalizatzea ahalbidetzen du.

Komando berriak gehitu ahal dira, lehendik dauden komandoak aldatu, edo laster-menuetako elementuak berrantolatu. Makroen bidez exekutatutako komandoak ere gehi daitezke, eta edozein motako estiloak aplikatu zuzenean laster-menutik.

Komando hau erabiltzeko...

Aukeratu Tresnak - Personalizatu - Laster-menuak fitxa.

Bilatu

Sartu kate bat testu-koadroan, komandoen bilaketa mugatzeko.

Kategoria

Hautatu menu-komandoen kategoria goitibeherako zerrendan, komandoen bilaketa mugatzeko, edo korritu zerrenda beherantz. Makroen eta estiloen komandoak zerrendaren beheko aldean daude.

Komando erabilgarriak

Bilaketa-katea eta nahi den komandoaren kategoria konbinatu ondoren lortutako emaitza bistaratzen du.

Deskribapena

Testu-koadroak hautatutako komandoaren deskribapen laburra dauka.

Esparrua

Hautatu laster-menua zein kokagunetan erantsiko den. Collabora Office modulu bati eransten bazaio, laster-menua modulu horretan irekitako fitxategi guztietarako egongo da erabilgarri. Fitxategiari eransten bazaio, fitxategi hori ireki eta aktibo dagoenean soilik egongo da erabilgarri.

Helburua

Hautatu pertsonalizazioa aplikatuko zaion laster-menua.

Esleitutako komandoak

Helburuko menuan erakutsiko diren komandoak bistaratzen ditu.

Eskuinerako geziaren botoia

Sakatu eskuinerako geziaren botoia ezkerreko bistaratze-koadroan komando bat hautatzeko eta hura eskuineko bistaratze-koadroan kopiatzeko. Horrela, komandoa hautatutako tresna-barrari gehituko zaio.

Ezkerrerako geziaren botoia

Sakatu ezkerrerako geziaren botoia hautatutako komandoa uneko laster-menutik kentzeko.

Gorako eta beherako gezien botoiak

Sakatu gorako edo beherako gezien botoiak hautatutako komandoa gorantz edo beherantz mugitzeko bistaratutako laster-menuko komandoen zerrendan.

Hautatutako komandoa arrastatu eta jaregin dezakezu hura nahi duzun tokira mugitzeko.

Pertsonalizatu

Txertatu

Txertatu bereizlea: Gehitu bereizle-marka bat menuak hobeto irakurri daitezen eta komandoak gaiaren arabera elkartzeko.
Txertatu azpimenua: Txertatu azpimenu-sarrera bat. Sartu izen bat azpimenu berrirako, ondoren datorren elkarrizketa-koadroan. Azpimenu berria automatikoki egongo da eskuragarri ediziorako menu-zerrendan.

Aldatu

Aldatu izena: Aldatu sarreraren izena.

Balio lehenetsiak

Lehenago laster-menu honi egindako aldaketa guztiak ezabatzen ditu.

Collabora Office menuak pertsonalizatzea