Erabiltzaileak definitutako funtzioak

Erabiltzaileak definitutako funtzioak aplika daitezke Collabora Office Calc-en:

• Zure funtzio propioak defini ditzakezu Basic-IDErekin. Metodo horrek programazioari buruzko oinarrizko ezagutza eskatzen du.

• Funtzioak osagarri gisa programa ditzakezu. Metodo honek programatzen jakitea eskatzen du.

Collabora Office Basic-ekin funtzio bat definitzea

1. Aukeratu Tresnak - Makroak - Editatu makroak.

2. Basic IDE bat agertuko da.

3. 'Objektu-katalogoa' leihoan, egin klik bikoitza makroa gorde nahi duzun moduluan.

4. Sartu funtzioaren kodea. Adibide honetan, VOL(a; b; c) funtzioa definitu da, a, b eta c alboko luzerak dituen laukizuzen solido baten bolumena kalkulatzeko:

    Function VOL(a, b, c)
        VOL = a*b*c
    End Function

• Itxi Basic IDEren leihoa.

  Funtzioa automatikoki gordetzen da modulu hautatuan, erabiltzailearentzat erabilgarri egon dadin. Funtzioa Calc-en dokumentu batean aplikatzen bada gero beste ordenagailu batean erabiltzeko, hurrengo atalean deskribatzen den moduan kopiatu daiteke Calc-en dokumentuan.

Funtzio bat dokumentu batera kopiatzea

"Collabora Office Basic erabiliz funtzio bat definitzea" puntuko 2. urratsean, Makroa elkarrizketa-koadroan Editatu aukeran egin duzu klik. Lehenespenez, Hemengo makroa eremuan Nire makroak - Estandarra - 1modulua egoten da hautatuta. Estandarra liburutegia zure erabiltzaile-direktorioan gordeko da.

Erabiltzaileak definitutako funtzioa Calc dokumentu batean kopiatzeko:

1. Aukeratu Tresnak - Makroak - Antolatu makroak - Basic.

2. Makroa hemendik eremuan hautatu Nire makroak - Estandarra - 1modulua eta egin klik Editatu aukeran.

3. Basic IDEn, hautatu erabiltzaileak definitutako funtzioaren iturburua eta kopiatu arbelean.

4. Itxi Basic IDE.

5. Aukeratu Tresnak - Makroak - Antolatu makroak - Basic.

6. Hemengo makroa eremuan, hautatu (Calc-eko dokumentuaren izena) - Estandarra - 1modulua. Sakatu Editatu.

7. Itsatsi arbeleko edukia dokumentuaren Basic IDEn.

Erabiltzailea definitutako funtzio bat aplikatzea Collabora Office Calc-en

VOL(a; b; c) funtzioa Basic-IDEan definitu ondoren, Collabora Office Calc aplikazioan integratutako funtzioen modu berean aplikatu daiteke.

1. Ireki Calc dokumentu bat eta sartu a, b eta c funtzio-parametroetarako zenbakiak A1, B1 eta C1 gelaxketan.

2. Jarri kurtsorea beste gelaxka batean eta sartu hau:

   =VOL(A1;B1;C1)

3. Funtzioa ebaluatu egingo da, eta emaitza hautatutako gelaxkan ikusiko duzu.