Val funtzioa

Erabili Val funtzioa zenbaki bat ordezkatzen duen kate bat zenbakizko datu mota bihurtzeko.

Val funtzioari pasatutako katean ez dira kontuan hartzen eskualde-ezarpenak. Horrek esan nahi du komak milakoen bereizletzat hartuko direla eta puntuak dezimalen bereizletzat.

Sintaxia:


    Val (Testua As String)

Itzulera-balioa:

Double

Parametroak:

Testua: Zenbaki bat adierazten duen katea.

Katearen zati batek soilik baditu zenbakiak, katearen lehen karaktere egokiak soilik bihurtuko dira. Katerik ez badu zenbakirik, Val funtzioak 0 itzuliko du.

Errore-kodeak:

5 Prozedura-dei baliogabea

Adibidea:


    Sub ExampleVal
        MsgBox Val("123.1") + 1 ' 124.1
        ' Beheko adibidean, 123,1 katea 1231 zenbakitzat hartuko da, "," karakterea milakoen bereizlea baita
        MsgBox Val("123,1") + 1 ' 1232
        ' Zenbaki guztiak hartuko dira kontuan zenbakia ez den karaktere batera iritsi arte
        MsgBox Val("123.4A") ' 123.4
        ' Beheko adibidean, emaitza 0 (zero) izango da, emandako katea ez baita hasten zenbaki batekin
        MsgBox Val("A123.123") ' 0
    End Sub

Str funtzioa