Bruka Microsoft Office og Collabora Office

Collabora Office kan opna og lagra dokument i Microsoft Office-filformata, inklusive Microsoft Office Open XML-formata.

Opna ei Microsoft Office-fil

1. Vel Fil → Opna. Vel ei Microsoft Office-fil i dialogvindauget for opning av filer i Collabora Office.

MS Office-fil …	… vert opna i Collabora Office-modulen
Microsoft Word, *.doc, *.docx	Collabora Office Writer
Microsoft Excel, *.xls, *.xlsx	Collabora Office Calc
Microsoft PowerPoint, *.ppt, *.pps, *.pptx	Collabora Office Impress

Lagra som ei Microsoft Office-fil

1. Vel Fil → Lagra som.

2. Vel eit Microsoft Office-filformat i feltet Filtype.

Lagra dokument i Microsoft Office-format som standard

1. Vel → Last inn/lagra → Generelt.

2. I Standard filformat og ODF-innstillingar vel du først ein dokumenttype og deretter filtypen som skal brukast ved lagring.

Frå nå av vert Filtype automatisk sett til det du valde kvar gong eit dokument vert lagra. Du kan sjølvsagt om ønskjeleg velja ein annan filtype i dialogvindauget.

Konvertera fleire Microsoft Office-filer til OpenDocument-format

Dokumentkonvertering vil kopiera og konvertera alle Microsoft Office-filer i ei mappe til Collabora Office-dokument i OpenDocument-filformat. Du kan velja mappa som inneheld filene som skal lesast og kva mappe dei konverterte filene skal lagrast i.

1. Vel Fil → Vegvisarar → Dokumentkonvertering for å starta vegvisaren.

Makroar i Microsoft Office og Collabora Office

Microsoft Office og Collabora Office kan ikkje køyra den same makrokoden. Microsoft Office brukar VBA-kode (Visual Basic for Applications) og Collabora Office brukar Basic-kode basert på API-miljøet (Application Program Interface) i Collabora Office. Sjølv om programmeringsspråket er det same, er objekta og metodane ulike.

Viss du brukar makroar i eit av programma og vil bruka dei same funksjonane i det andre programmet, må du redigera makroane. Collabora Office kan lasta inn makroane som finst i Microsoft Office-filer. Dermed kan du visa og redigera makrokoden i Collabora Office Basic-IDE.

Du kan velja å behalda eller sletta VBA-makroar

Opna eit Microsoft Office-dokument som inneheld VBA-makrokode. Gjer berre endringar i det normale innhaldet (tekst, celler, bilete), ikkje rediger makroane. Lagra dokumentet som ein Microsoft Office-filtype. Opna fila i Microsoft Office og VBA-makroane vil køyra som før.

Du kan sletta VBA-makroane frå Microsoft Office-fila når ho vert lasta inn eller lagra.

1. Vel → Last inn/lagra → VBA-eigenskapar for å setja opp handsaminga av VBA-makroen i Collabora Office.