Collabora Office Python scripten laguntza
Collabora Office aplikazioak Aplikazio Programen Interfazea (API) eskaintzen du, eta horrek Collabora Office osagaiak hainbat programazio-lengoaiaren bidez kontrolatzeko aukera ematen dizu Collabora Office Software Development Kit-a (SDK) erabiliz. Collabora Office API eta Software Development Kit-ari buruz informazio gehiago lortzeko, bisitatu ondorengo helbidea: https://api.libreoffice.org
Laguntza-sekzio honek Collabora Office aplikazioaren ohiko Python scripten funtzioak azaltzen ditu. Informazio sakonagoa nahi baduzu, kontsultatu Python aplikazioak diseinatzea eta garatzea wikian.
Python scriptekin lan egitea Collabora Office aplikazioan
Python scriptak exekutatzeko, aukeratu daiteke. Scriptak editatzeko, edozein testu-editore erabil daiteke. Python scriptek hainbat kokapen dituzte, ondoren azalduko direnak. Makroen programaziorako adibideak begiratu ditzakezu Python Collabora Office suitean modu interaktiboan kontsolatik nola exekutatzen den irudikatzeko.
Python erabiltzeko Collabora Office scriptgintza-markoa aukerakoa da zenbait GNU/Linux banaketetan. Gaituta badago, aski da hautatu eta Collabora Office makroak markatzea HelloWorld – HelloWorldPython makroa presente egon dadin. Instalatuta ez badago, begiratu zure banaketaren dokumentazioa Python erabiltzeko Collabora Office scriptgintza-markoa nola instalatu behar den jakiteko.