Ayuda de Collabora Office 21.06
Collabora Office Draw dexa crear dibuxos simples y complexos, y esportalos en dellos formatos habituales pa imaxes. Pue inxertar tables, diagrames, fórmules y otros elementos creaos con programes de Collabora Office nos sos dibuxos.
Collabora Office Draw crea imaxes vectoriales usando llinies y curves definíes por vectores matemáticos. Los vectores describen llinies, elipses y polígonos, según la so xeometría.
Pue crear oxetos 3D cenciellos como cubos, esferes y cilindros en Collabora Office Draw ya inclusive modificar la fonte de lluz de los oxetos.
Les cuadrícules y guíes constitúin una ayuda visual p'alliniar los oxetos del dibuxu. Tamién se pue optar por axustar un oxetu a una llinia de la cuadrícula, una llinia de guía o al borde de dalgún otru oxetu.
Pue coneutar oxetos de Collabora Office Draw por aciu de llinies especiales llamaes "coneutores" p'amosar la rellación ente los oxetos. Los coneutores acóplense a los puntos d'adhesión de los oxetos de dibuxu y permanecen acoplaos cuando los oxetos coneutaos muévense. Los coneutores son útiles pa crear diagrames d'organización y téunicos.
Los diagrames téunicos amuesen davezu les dimensiones de los oxetos nel dibuxu. En Collabora Office Draw pue usar les llinies de cota pa calcular y visualizar les dimensiones lliniales.
La galería contién imaxes, animaciones, soníos y otros elementos que puen inxertase y utilizase nos dibuxos y n'otros programes de Collabora Office.
Collabora Office Draw esporta en munchos de los formatos habituales de ficheru gráficu como BMP, GIF, JPG y PNG.