Guardar y abrir una fueya como HTML

Guardar una fueya como HTML

Collabora Office Calc guarda toles fueyes d'un documentu de Calc nun únicu documentu HTML. Al principiu de dichu documentu amiéstense automáticamente una testera y una llista de hiperenllaces a caúna de les fueyes individuales del documentu.

Los númberos vense como s'escriben. Amás, na etiqueta HTML <SDVAL> escribese'l valor internu exactu del númberu, de mou que dempués d'abrir el documentu HTML con Collabora Office sabe que tien los valores exactos.

1. Pa guardar el documentu actual de Calc como documentu HTML, active Ficheru - Guardar como.

2. Nel cuadru de llista Tipu de ficheru, nel área con otros filtros de Calc Collabora Office, escueya'l tipu de ficheru "Documentu HTML (Collabora Office Calc)".

3. Escriba un Nome de ficheru y calque en Guardar.

Abrir una fueya como HTML

Collabora Office inclúi dellos filtros p'abrir ficheru HTML, que puen escoyese en Ficheru - Abrir nel cuadru de llista Ficheros de tipu:

• Escueya'l tipu de ficheru "Documentu HTML (Collabora Office Calc)" p'abrir en Collabora Office Calc.

  Toles opciones de Collabora Office Calc tán disponibles. Sicasí, non toles opciones d'edición de Collabora Office Calc puen guardase en formatu HTML.